Ngubani onokuvula i-akhawunti yeFundisa Fund?

• Nawuphina ummi welaseMzantsi Afrika okanye umhlali wexesha elizeleyo onqwenela ukunceda ekufundiseni umntu amkhathaleleyo, ongummi welaseMzantsi Afrika.
• Akunyanzelekanga ukuba uzalane nalomfundi. Unokuxhasa nawuphina umfundi omkhethayo.
• Umele ukuba ubene-akhawunti yeMzantsi okanye enye eyeyeetranzekshini kunye nencwadi yesazisi eluhlaza ene-bar-code.
• Yonke imali oyigcinayo yeyakho de ihlawulwe kwikholeji kawonkewonke okanye iyunivesiti eyamkelwayo yi-National Student financial Aid Scheme (NSFAS) – i-arhente karhulumente enembopheleleko yokuhlawula amaziko emfundo.
• Kubalulekile ukuba unganikisi ngemali kuye nawuphina umntu ngaphandle kweenkampani zee-unit trust okanye iibhanki onokuvula kuzo i-akhawunti yeFundisa Fund. Ngalo lonke ixesha qinisekisa ukuba ufumana irisiti yayo nayiphina imali oyifaka kwi-akhawunti yakho yeFundisa Fund.

Imfuneko zomfundi omkhethileyo zezi zilandelayo

• umele abengummi welaseMzantsi Afrika.
• umele anikeze ngekopi yencwadi yesazisi eluhlaza okanye isetifiketi sokuzalwa.
• umele aqalise ukufunda ngaphambi kokuba abeneminyaka engama-35 ubudala, kwikholeji kawonkewonke okanye kwiyunivesiti esebenzisana ne-National Student Financial Aid Scheme (NSFAS).

Umtyalimali usenako nokuvula i-akhawunti yeFundisa Fund ukuze agcinele imfundo yakhe ephakamileyo.